The Playlist With A Twist

Ganito ata ang epekto ng walang magawa sa buhay minsan, lahat ng bagay nagagawan ng kuwento out of boredom. Hindi naman kaila sa inyo ang hilig ko sa pakikinig lagi ng mga kanta either thru radio or mp3s from my phone. Kaya naman minsan ay nakakaaliw pag nakakabuo ka ng kuwento mula sa mga lyrics ng ilan sa mga ito. Kung iisipin mo para ka lang nanonood ng isang musical. Eto tingnan niyo ang halimbawa ng tinutukoy ko, hindi man talaga sakto pero ang general thought ng lyrics ng buong kanta ay pasok pa din naman somehow. Red for the song and blue for the artist(s). At para masaya puro OPM ang kinuha kong kanta. Gusto ko sana i-upload yung mga songs mismo para mai-play sana kaso baka ma-copyright infringement ako. haha!



Nang unang makita ni boy si girl, nabighani siya dito kaya naman napakanta siya agad ng "tell me your name" christian bautista. Pero medyo lito si boy kasi isa pala siyang "torpedo" eraserheads. Subalit di rin nagtagal ay naging kaibigan nya si girl kaya naman naging tema ang "getting to know each other" ariel rivera at "closer you and i" gino padilla.

Kinalaunan ay nahulog ang loob niya kaya naman si boy ay napakanta ng "paano na kaya" bugoy drilon at "fallin'" janno gibbs. Ang tanging hiling nya ay "gusto ko lamang sa buhay" itchyworms. Si girl ay natutuwa naman din kaya sabi niya "bakit di totohanin" carol banawa.

Akala nila ay yun na ang umpisa kaya naman ang awit nila ay "we could be in love" lea salonga. Subalit may konting pag-aalangan din pala si girl sa umpisa dahil sa iba't ibang kadahilanan kaya naman tinanong siya ni boy. Ang sagot ni girl muna ay "cool off" yeng constantino na may kasamang "huwag ka lang mawawala" ogie alcasid. Nalito si boy kaya naman ang tanong nya ay "tell me" side a. Ang kalungkutan niya ay dinaan nya sa "beer" itchyworms.


Now here's the tricky part... pwedeng mag-sanga ang istorya from here...

Scenario one : Si boy ay naiwang kumakanta ng "if the feeling is gone" ella mae saison at "kundi rin lang ikaw" true faith. Pinapaalalahanan din nya minsan ang sarili nya na "migraine" moonstar88. Sabi din niya sa sarili na "di na mababawi" spongecola kaya naman umabot na siya sa puntong "tuyo na'ng damdamin" silent sanctuary. Poot ang naiwan at namayani sa kanya kaya naman sa bandang huli ay "kung ayaw mo wag mo" rivermaya at "di na ko aasa" introvoys ang kanta niya.

Kung alam lang niya na si girl pala ang kanta ng mga panahon na iyon ay "muntik na kitang minahal" carol banawa  at "same ground" kitchie nadal with matching "photograph" ariel rivera.


Scenario two : "Love moves in mysterious ways" nina daw kaya natauhan si girl at sabi niya kay boy "tayong dalawa" gary valenciano. Dinugtungan pa niya ito ng "kailangan ko'y ikaw" regine velasquez.  Labis naman ang tuwa ni boy kaya naman ang kanta niya ay "forevermore" side a at "now that i have you" the company. At sabay silang umawit ng "let the love begin" kyla.